‘’Ding, itulah gawe edop. Pemerintah kota kito ini sera salah jugo. Satu sisi kota kito ini ujinyo darusalam. Tapi tempat maksiat banyak nian. Inilah namonyo dak cocok ucapan dengan realitas,’’ kelakar Mang Juhai.
BACA JUGA:Mang Juhai Bejalan dengan Adek Ipar
BACA JUGA:Ternyata Cewek Tipe Ini Selera Mang Juhai
Mang Oding hanya bisa geleng-geleng kepala.
‘’Jadi nak cakmano kando,’’ tanyanya.
‘’Aku salut nian dengan gubernur Jakarta. Langsung cabutnyo galo izin tempat hiburan itu. Dem, berejo sano pemiliknyo. Nah, itu baru pemimpin ngerti rakyat nian uji aku, Ding,’’ celoteh Mang Juhai.
‘’Masok akal kando. Jakarta tu, lebih gilo lagi maksiatnyo dibanding tempat kito. Tapi pemimpinnyo pakam nian,’’ timpal Mang Oding.
Mang Juhai yang dulunya hobi dugem, berbalik menghujat.
‘’Itulah kendak kito wong kecik ni, Ding. Kalo pacak rakyat gampang nyari makan. Pemerentah jugo ngerti kendak rakyat. Jangan ngejoke perut dewek bae. Ini kapan foto di baliho dak salah-salah. Make kopiah, bekaen sarung pulok. Tapi tempat maksiat banyak dak tejingok,’’ ketus Mang Juhai.
Mang Oding cepat menimpali.
‘’La kapan tutup galo, kemano lokak kando lagi,’’ tanya Mang Oding.
‘’Berijo Ding. Edop ni dak lamo. Kalo gek lagi lemak dugem, malaikat nyabut nyawo,’’ ujar Mang Juhai sok alim.
‘’Bukan, kando tu cak salut nian dengan gubernur Jakarta. Apo pendukungnyo nak pilpres agek,’’ kelakar Mang Oding.
‘’Ai katek urusan aku, Ding. Dio jadi presiden kito maseh nak bekaes tula. Kendak aku tu, pemimpin tu cak itu. Kapan melanggar tindak tegas. Jangan banyak nian alasan. Hana hene segalo ado jawaban,’’ ketusnya.
Ai Mang, dak setuju nian caknyo! ***