‘’La ngapo nak ribut kando. Jelas beda pulok kito dengan Arab sano. Ngapo pulok nak pening kando. Kito peloki pemerentah bae. Kapan salah, bedusolah pemerentah,’’ celoteh Mang Oding.
BACA JUGA:Mang Juhai Mudike Pak RT, Nah Lho !
BACA JUGA:Mang Juhai Merajok Tuo, Ini Penyebabnya !
Mang Juhai manggut-manggut.
‘’La bener pulok uji kau tu, Ding. Kalo kito la dak percayo pemerentah lagi, nak jadi apo negara kito ini. Laju katek yang nak mimpin lagi,’’ simbat Mang Juhai.
‘’Kito ni awam soal agama, tapi logika masih ado. Biaso beda tu kando, jangan sampe mecah belah umat. Kito jingok persamaannyo, jangan dibesake perbedaanyo. Laju gek tambah siru,’’ celetuk Mang Oding.
‘’Bukan cak itu, Ding. Kakak kau ni bingung bae, caro ditunjuk wong panitia kurban. Agek wong nyembeleh tanggal 9, kami tanggal 10. Laju cakmano gitu,’’ kelakar Mang Juhai.
‘’Ai kamu tu nak melapor diajak wong jadi panitia penyembelehan sapi kurban bae retinyo kando. Soal tanggal dak pulo masalah besak nak tanggal berapo bae. Caknyo lokak dapat daging banyak kapan panitia tu,’’ sindir Mang Oding.
Mang Juhai langsung menyeringai.
‘’Iyo Ding. Cuma banyak pulok nak dienjok. Ayuk kau yang mudo tu, belum lebaran bae la nelpon terus nak masak rendang ujinyo,’’ ujar Mang Juhai.
‘’Oi kando, belike nian daging. Ngapo nak ngandalke daging kurban tu,’’ celetuk Mang Oding.
‘’Caro lagi saro, Ding. Kapan dienjok wong gratis, kito bebagi dengan wong laen pulok,’’ celotehnya.
Nah Mang, kalo gek diseruduk sapi! ***