‘’Kalo nian, Ding. Sisip dikit beganti iwak betook,’’ timpal Mang Juhai.
BACA JUGA:Gegara Kucing, Urusan Jadi Berantakan
BACA JUGA:Ketakutan Belang Diketahui Bini
Sesampai di Kawasan BKB, Mang Juhai melihat banyak anak kecil sedang mandi di sungai.
‘’Ding, aku jingok budak itu. Apo dio diisapnyo dibungkus plastik tu. Alangkah ladas dio. Kapan kito jingoki, jelet matonyo. Melawan budak sekarang ini. Kito dulu kapan dijeleti wong tuo, langsung lari. Ini bales jelet pulo dio,’’ celoteh Mang Juhai.
Mang Oding langsung ngakak.
‘’Uji rajin buka medsos kando,’’ celetuk Mang Oding.
‘’Bukan apo dio maksudnyo, Ding,’’ tanya Mang Juhai.
‘’Itu tu budak ngelem aibon kando. Dibungkus tu lem aibon kalengan. Dak tau apo dio perasaannyo ngisap setuo itu,’’ jawab Mang Oding.
Mang Juhai langsung naik pitam.
‘’Nak jadi apo nian budak ini. Awak generasi penerus, ngapo laju pecah utak galo ini. Kemano wong tuonyo,’’ ujar Mang Juhai.
‘’Caro lepas pengawasan wong tuo kando,’’ simbat Mang Oding.
‘’Kemano pulo pemerentah. Budak ini kan harusnyo diperhatike. Kasih pembinaan biar dak gawe ngunah-ngunah mak ini,’’ celoteh Mang Juhai.
‘’Pemerentah sibuk ngurusi nak naeke apolagi kando,’’ kelakar Mang Oding.
‘’Ado nian uji awak tu. Kapan naeke BBM, listrik dan gas cepat nian. Budak gelandangan ini dak diurusi. Awak tanggung jawab pemerintah sesuai undang-undang dasar,’’ gerutu Mang Juhai.
‘’Masok Pak Eko, ocehan kamu tu. Kalu betino malam tu, tanggung jawab kamu yo dak,’’ celetuk Mang Oding.