Mang Juhai Soroti Banyak Jalan Rusak
Mang Juhai--
Mang Oding menduga Mang Juhai sial, lantaran lupa mandi wajib.
‘’Ai kalo kando tu dak mandi wajib lagi. Laju cak sial itu,’’ kelakar Mang Oding.
‘’Heran jugo aku, Ding. Kemano duet negara ini, jalan bae dak diruruhi lagi ini,’’ ketus Mang Juhai.
BACA JUGA:Gegara Kaos Kaki, Urusan Jadi Berantakan !
BACA JUGA:TMDD 120 Muara Enim dengan Anggaran Minimalis, Pencapaian Maksimal
‘’La maseh kurang baco berita kando tu. Dak jingok apo banyak pejabat tebuang. Mungkin bae gara-gara mikirke kantong dewek bae. Mak uji wong tu, kapan kebanyakan lamo-lamo temuntah. Laju tebuang ujungnyo,’’ celoteh Mang Oding.
Mang Juhai sebenarnya hanya ingin jalan bagus karena merasa tak pernah nunggak bayar PBB.
‘’Kito tunggu bae kando, la parak pilkada ini. Agek mulus galo jalan,’’ timpal Mang Oding.
‘’Nah kalo nian, Ding. Biasonyo kapan parak pilkada tu, kaleng nyampak di jalan bae digari wong. Inilah yang dak akor tu. Jalan ni fasilitas umum dan wajib dinikmati masyarakat. Kito ni samo bayar pajak,’’ ujar Mang Juhai.
Mang Oding hanya bisa menenangkan sohibnya itu.
‘’Kuncinyo nak sabar tula kando. Kito ngoceh dak katek wong nak dengernyo. Bedoa bae, kendaknyo pemerintah kito tegerak hatinyo kapan nyingok jalan banyak rusak ini,’’ ujar Mang Oding.
‘’Makmano kapan bonceng wong rumah, motor nyampak gara-gara masok lubang jalan. Nah, nak mbunuh nian namonyo,’’gerutu Mang Juhai.
Puas berkeluh kesah, Mang Juhai pun pamit kepada Mang Oding.
‘’Aku tu bukan apo, Ding. Gawe motor nyampak tadi, laju urung ke rumah ayuk kau yang di Gandus tu,’’ ujarnya.
‘’Yo anggap bae cobaan galo Ding,’’ pesan Mang Oding.
- Tag
- Share
-
-
