‘’Dak terti aku kando gawe pemerintah. Perasaan tiap tahun banjir ini. Kuperhatike sibuk ninjau bae. Tapi programnyo apo dio yang pacak ngatasi banjir,’’ celetuk Mang Oding.
Mang Juhai pun geleng kepala.
BACA JUGA:Mang Juhai Mengutuk KDRT
BACA JUGA:Bos Hotel Oyes
‘’Bukan program yang hebat-hebat nian, Ding. Uji apo pompanisasi, buat kolam retensi. Rasoku anggarannyo besak itu. Kalo la abes jabatan belum terealisasi. Sekecikan bae harusnyo. Pihak terkait tu aktif ngawasi bangunan yang berpotensi banjir. Jangan gampang pulo ngenjok izin kalo katek Analisa dampak lingkungannyo,’’ celoteh Mang Juhai.
Mang Oding terkejut mendengar celoteh sohibnya itu.
‘’Ai la cak anggota dewan nian kando tu ngomong. Kemano pulo wakil kito di dewan sano. Ngapo diem bae ini,’’ timpal Mang Oding.
‘’Kalo itu, dak usah kau tanyoke, Ding. La bukan rahasia umum lagi wakil kito tu. Sikok katek nak bebunyi apo nak manggil walikota. Dak jingok dio rakyat la tejerit lantak banjir ini,’’ ujar Mang Juhai.
Lagi asyik ngobrol, telepon Mang Juahi selalu berdering.
Dilihatnya gendoannya yang menelpon.
‘’Nah Ding, sori nian yo. Bukan dak galak bantu beresi rumah kau. Ayuk kau nelpon terus ini. Pakso nak disambangi dulu ke sano. Aku pamit dulu yo. Ujinyo ado ulo sawo masuk rumah,’’ ujar Mang Juhai.
‘’Itulah galak keno azab nganggur. Wong sibuk lantak banjir, dio maseh nak gawe lamo tula urusan bawah perut,’’ gerutu Mang Oding.
Bergegas Mang Juhai memacu motor bututnya ke kawasan rumah susun.
Apa lacur, sampai di rumah gendoannya ternyata lebih parah dari rumah Mang Oding. ‘
’Nah kebeneran kakak datang. Di sano kak ulonyo,’’ ujarnya.
Mang Juhai langsung terdiam. ‘’Ulo apo dek,’’ tanyanya.