‘’Ai kalo salah wong adek tu. Kami ni ado rambut putih, tapi dikit,’’ celetuk Mang Benu.
BACA JUGA:Gegara Mati Lampu, Mang Juhai Menggerutu
BACA JUGA:Mengubah Nomor Kontak Ponsel
‘’Ngomong-ngomong kenal dimano dek,'' sahut Mang Oding.
‘’Aku ni kenalan di Facebook kak. Malem ini janji ketemu di Sekanak Lambidaro ini. Foto profil dio tu belagak nian, rambutnyo ado putih dikit,’’ jawabnya.
‘’Nah dek, setahu aku yang lagi heboh ni calon presiden rambut putih, uji Pak Jokowi tu,’’ kelakar Mang Oding.
‘’Cak ini bae dek, cubo minta nomor teleponnyo lanang itu. Biar dak salah lagi,’’ ujar Mang Benu. Cewek tadi langsung ngacir meninggalkan Mang Benu dan Mang Oding.
Tak lama cewek itu pergi, datang Mang Juhai dengan wajah tanpa dosanya.
‘’Ai kalo kando ini, lanang rambut putih kato cewek tadi,’’ pancing Mang Oding.
Mang Juhai langsung ngakak.
‘’Belagak dak Ding, agek secanting kurang,’’ tanya Mang Juhai.
‘’Jadilah kalo untuk bawaan mabok,’’ celetuk Mang Oding.
Mang Juhai langsung terbahak-bahak.
‘’Budak tu makso nak ngajak kopi darat. Aku inget, biasonyo kau dengan Benu nongkrong di Lambidaro inilah kapan malam,’’ celoteh Mang Juhai.
‘’La kutebak nian, Ding. Cak pas nian cewek tadi ngomong. Jadi foto profil di Facebook tu samaran apo kando,’’ tanya Mang Benu.
‘’Caro kitolah Benu. Namonyo dunio medsos. Banyak palsu galo,’’ jawabnya enteng.