Mang Juhai Sewot Tronton Dibiarkan Bebas
Mang Juhai--
‘’Makmano pacak bebas nian mobil besak-besak lewat kota ini. Uji la ado Peraturan Walikota melarang truk masuk kota di bawaj jam 9 malem,’’ jelasnya.
BACA JUGA:Bik Jubai Mudik, Mang Juhai Bikin Heboh Tetangga
Mang Oding baru mengerti maksud Mang Juhai tersebut.
‘’Ai kando, kalo tedok siang petugas kito ni. Jadi dak tau mobil besak tu lewat,’’ kelakar Mang Oding.
‘’Itulah masalahnyo, Ding. Rasoku peraturan tu la jelas nian. Tapi heran jugo aku, alangkah melawan wong. Cak idak bae nerabas aturan,’’ simbatnya.
‘’Inilah lemak tinggal di tempat kito ini, kando. Samo tau baelah. Rasoku kalo masing-masing wong yang dienjuk amanah menjalankan dengan bener, kito warga kecik ni dak resah lagi,’’ celoteh Mang Oding.
‘’Giliran kito ke kos ngajak cewek, cepet nian keno grebek. Ini mobil mak gajah la jelas dilarang, maseh bae melintas. Uji kabar la banyak wong keno tumbur,’’ ketus Mang Juhai.
‘’Rasoku kito ni la lengkap kando. Ado petugas yang bagian nindaknyo. Ado wakil di DPRD sano. Kalo kito beduo bae ngoceh, siapo nak dengernyo,’’ ujar Mang Oding.
‘’Masok akal jugo, Ding. Jadi tambah rusak kalo kito diem bae ini,'' jawab Mang Juhai.
Ujung-ujungnya, Mang Juhai berasan kepada Mang Oding.
‘’Anu Ding, minjem dulu duet seratus. Ayuk kau ngajak makan bakso sore ini. Paling lamo duo ari kubaleke. Tunggu ayuk kau di rumah jual tanahnyo laku,’’ bisik Mang Juhai.
‘’Nah, ini dio retinyo kendaknyo. Kukiro nak ngajak diskusi nian. Minta maaf bae kando, caro ujung bulan. Bukan dak galak minjemi. Selamo ni, setiap minjem belum ado yang balek,’’ jawab Mang Oding ketus.
Mang Juhai langsung terdiam.
‘’Payo mon makitu, Ding. Aku permisi dulu. Pakso merasani wong rumah tuo tula, siapo tau dio lagi lemak ati sore ini. Pacak dienjoknyo duet kito,’’ celoteh Mang Juhai.
Nah Mang, ngapo dak becari dewek…! ***
- Tag
- Share
-
-
