‘’Inilah Ding, uji wong tu jaman kebebasan ngomong. Laju sekendak galo ngomong. Cubo jaman kito mudo dulu, kalo masok obak ngomong basing,’’ celoteh Mang Juhai seperti orang bijak.
Mang Oding pun manggut-manggut.
‘’Kito ni la ado UU ITE uji wong pintar tu. Nak ati-ati nian Ding kau di medsos ini. Alangkah dak lemak ceritonyo tebuang oleh ngato wong tu,’’ pesan Mang Juhai.
‘’Kalo tebuang urusan bawah perut, pakam jugo,’’ timpal Mang Oding.
Tak lama kemudian,Mang Juhai melihat lagi video viral ibu-ibu tadi.
‘’Nah Ding, la ditangkap polisi ruponyo ibuk itu. Ngapo laju nangis-nangis minta maaf ini,’’ ujar Mang Juhai.
’’Itulah pulo senjatonyo kando. Sekarang ini kapan viral di medsos, minta maaf selesai gawe. Kendak aku tu, kurung nian biar jero. Jadi dak baseng wong nak ngomong. Kalo ngeritik dak pulo. Ini ngato, rasoku masoke obak tula biar jero,’’ simbat Mang Oding.
Mang Juhai menduga, cara yang dilakukan biar instan kepingin terkenal.
‘’Memang kalo nak ngetop cak tula uji wong tu,Ding. Biso jugo gara-gara medsos ini laju wong gaweke segalo caro biar dapat follower atau viewer. Jadi lokak dapat duet dari mbah google,’’ ujar Mang Juhai lagi.
Mang Oding hanya bisa manggut-manggut.
‘’Biar wong bae kando. Kalo pacak kito ngurusi perut dewek bae. Biar dak pening palak. Dak tau apo beras mahal, cabe mahal, minyak goreng mahal. Kalo dak pacak makan lagi gara-gara segalo mahal,’’ kritik Mang Oding.
‘’Kau pacak jugo kalo nak ngetop Ding. Dak usah becelano bejalan di Sudirman sano tengah ari bolong,’’ kelakar Mang Juhai. Nah Mang!